თანამედროვე ტექნოლოგიებით აღჭურვილი, პაციენტების უსაფრთხო და ხარისხიან მომსახურებაზე პროფესიონალი ექიმებით დაკომპლექტებული გუნდი ზრუნავს, რომლებიც მუდამ განვითარებაზე არიან ორიენტირებული.
სტომატოლოგიური კლინიკების ქსელ „ჰებეს“ მისიაა თანამედროვე სტანდარტების გამოყენებით უსაფრთხო და ხარისხიანი მომსახურების მიწოდება პაციენტებისთვის.
ენდოდონტიური მკურნალობის დროს, ექიმი ენდოდონტისტი ახდენს კბილიდან ანთებითი და ინფიცირებული პულპის ამოღებას, ფესვის არხის მექანიკურ და ქიმიურ დამუშავებას, ხოლო შემდეგ არხების მუდმივ ობტურაციას. აღნიშნული მანიპულაციის შემდეგ ხშირ შემთხვევაში საჭიროა კბილის დაფარვა ხელოვნური გვირგვინით, რათა სრულიად აღდგეს მისი გვირგვინის მთლიანობა და ფუნქცია.გვირგვინის მთლიანობის აღდგენის შემდეგ კბილს დაუბრნდება ფუნქციური და ესთეტიკური ღირებულება.
ღრძილებიდან სისხლდენა ხშირად პაციენტების მხრიდან იგნორირებულია, რამაც შეიძლება მძიმე შედეგებამდე მიგვიყვანოს.პაროდონტის ანთებითი დაავადებების (გინგივიტი და პაროდონტიტი) განვითარება ღრძილებიდან იწყება. იგი მოიცავს კბილის ირგვლივ არსებულ ყველა ქსოვილს.გინგივიტის დროს შეიძლება შენიშნოთ მხოლოდ ღრძილების მსუბუქი შეწითლება, მცირე სისხლდენა და უსიამოვნო გემო. ეს ეტაპი უმტკივნეულოდ მიმდინარეობს, მაგრამ გახსოვდეთ, რომ სწორედ ესაა პაროდონტის დაავადების განვითარების პირველი საფეხური და მხოლოდ ამ სტადიაშია პროცესი შექცევადი ანუ სრული განკურნებაა შესაძლებელი. სათანადო მკურნალობის გარეშე გინგივიტი გადაიზრდება პაროდონტიტში - როცა ანთებითი პროცესი უკვე ძვალზეა გავრცელებული. მკურნალობით პროცესის აგრესიული მიმდინარეობის შეჩერება შესაძლებელია, თუმცა საჭიროებს მუდმივ მეთვალყურეობას, რათა არ განახლდეს და არ განაგრძოს პროგრესირება. მკურნალობის გარეშე პაროდონტის ანთებითი დაავადების გვიანდელ სტადიაზე კბილები იმდენად ირყევა, რომ მათი შენარჩუნება შეუძლებელია. შედეგად ხშირად სრულიად ჯანსაღი კბილები იკარგება.
ბავშთა ასაკში, განსაკუთრებით კი 0-3 წლამდე, ყველაზე გავრცელებულ დაავადებას ე.წ. ადრეული კარიესი წარმოადგენს, მას ბოთლის კარიესადაც მოიხსენიებენ. ადრეული კარიესი ადვილად ამოსაცნობია, რადგან გააჩნია დამახასიათებელი ლოკალიზაცია - ზედა ყბის ფრონტალური (წინა) კბილების საჭრელების და ეშვების მიდამოში. ის, ძირითადად, ღამით, ძილის დროს ბოთლის მაწოვარას საშუალებით სხვადასხვა თხევადი ტკბილი საკვებისა და სასმელების მიღებითაა გამოწვეული.ასევე ხშირია ე.წ. „თეთრი ლაქა“ კბილის მინანქრის კრიალა ზედაპირზე, რომელიც კბილთაშორის საკონტაქტო ან მინანქრის ხილულ ზედაპირზე შეიძლება მდებარეობდეს. „თეთრი ლაქა“ კარიესული დაავადების საწყის ეტაპს წარმოადგენს. მისი შეფერილობა მინანქრის დეკალცინაციითაა განპირობებული.
კბილების გათეთრება ესთეტიკური სტომატოლოგიის ყველაზე მოთხოვნადი პროცედურაა. ალბიუსში გათეთრების რამდენიმე მეთოდი არსებობს. სასურველ პროცედურას კი პაციენტი თავად ირჩევს. კბილების გათეთრებისთის გამოიყენება როგორც ინდივიდუალური კაპები (სახლის სისტემა), ისე სხივით გათეთრება (ოფისის სისტემა). ორივე შემთხვევაში კბილის მინანქარზე მოქმედებს გამათეთრებელი გელის შემადგენლობაში შემავალი აქტიური კომპონენტი - წყალბადის ან კარბამიდის პეროქსიდი, რომლის დაშლის შედეგადაც გამოიყოფა ჟანგბადი. სწორედ ჟანგბადი აღწევს ქსოვილში და შლის პიგმენტებს. განსხვავება ამ ორი ტიპის გათეთრებას შორის მდგომარეობს გელის კონცენტრაციასა და მოქმედების ხანგრძლივობაში. შესაძლებელია გათეთრების პროცესის მართვა და ფერის ცვლილება 3-8 ტონით.
დანაკლისი კბილების აღდგენა, რაც ორთოპედიული სტომატოლოგიის მიზანს წარმოადგენს, მნიშვნელოვანია არა მხოლოდ ესთეტიკური, არამედ ფუნქციური თვალსაზრისითაც.კბილების ნაწილობრივი ან სრული არარსებობისას მზადდება სხვადასხვა სახის და მასალის ნაწილობრივი ან მთლიანი პროთეზები, ხიდები და ერთეული გვირგვინები.ალბიუსში ყველა სახის ორთოპედიული სერვისის მიღებაა შესაძლებელი. კონსულტაციაზე ექიმი და პაციენტი ერთად შეარჩევს მისთვის ოპტიმალურ, სასურველ და ხელმისაწვდომ კონსტრუქციას.
ორთოდონტია წარმოადგენს კბილების არასწორი დგომისა და თანკბილვის გასწორების ყველაზე ეფექტურ და რეკომენდებულ გზას (ხშირად ამ მიზნით ვინირებსაც მიმართავენ). იმის გათვალისწინებით, რომ თანკბილვა და კბილთა შეთანასონების დარღვევა სახის ნაკვთებზე, გამომეტყველებასა და ტანადობაზეც კი აისახება, საუკეთესო ესთეტიკური ეფექტის მიღება მხოლოდ ორთოდონტიული მკურნალობის დახმარებითაა შესაძლებელი. სხვადასხვა სახის ბრეკეტ-სისტემების საშუალებით კი შედეგის მიღწევა ოპტიმალურ დროშია შესაძლებელი.
დენტალური იმპლანტაცია კბილების ნაწილობრივი ან სრული არარსებობისას ღეჭვითი და ესთეტიკური ფუნქციის აღდგენის საუკეთესო ალტერნატივას წარმოადგენს. თავად იმპლანტი ერთგვარი ხელოვნური ფესვია, რომელიც ყბის ძვალში ფიქსირდება. შემდეგ ეტაპზე, იმის გთალისწინებით, თუ რა სახის დეფექტია აღსადგენი, იმპლანტზე შეიძლება დამაგრდეს ერთეული გვირგვინი, ხიდი ან პროტეზი. ყველაზე პოპულარულია ტიტანისგან დამზადებული იმპლანტები, რომელიც ყველაზე ძველი და სრულყოფილად შესწავლილი სისტემაა.
ყბა-სახის ქირურგია მოიცავს ყბა-სახის მიდამოში ჩასატარებელ ყველა სახის ქირურგიულ მანიპულაციას. კლინიკა ,,ჰებეში“ ტარდება აღნიშნული მანიპულაციებიდან ყველა სახის ოპერაცია, რომელიც არ მოითხოვს პაციენტის სტაციონარიზაციას ( ზოგადი ნარკოზით მანიპულაციას, რეანიმაციას).
ენდოდონტიური მკურნალობის საჭიროების მანიშნებელ სიმპტომებს წარმოადგენს: კბილის ტკივილი, გახანგრძლივებული მგრძნობელობა ცივ ან ცხელ გამღიზიანებელზე, არასასიამოვნო შეგრძნება ან ტკივილი კბილის კბილზე შეხებისას და/ან ღეჭვის დროს, კბილის გვირგვინის ფერის ცვლილება, შეშუპება, კბილის მიმდებარე ღრძილის, ძვლის, ლიმფური კვანძების ზომაში გადიდება, მტკივნეულობა. აღსანიშნავია, რომ რიგ შემთხვევებში პაციენტს შესაძლოა საერთოდ არ აღენიშნებოდეს არანაირი ჩივილები ან სიმპტომები.
თორნიკე როინიშვილი
ქირურგი სტომატოლოგი
მაია აბაშიძე
თერაპევტ სტომატოლოგი
ანანო ზაზაშვილი
ორთოდონტ სტომატოლოგი
ვალერი ხაჩირაშვილი
გნათოლოგ ორთოპედი
მარიამ ყურაშვილი
ორატოპედ სტომატოლოგი
ქეთევან გელეიშვილი
ფინანსური დირექტორი
.
სტომატოლოგიური კლინიკა"ჰებე"
.
კბილების გათეთრება ესთეტიკური სტომატოლოგიის ყველაზე მოთხოვნადი პროცედურაა. ალბიუსში გათეთრების რამდენიმე მეთოდი არსებობს. სასურველ პროცედურას კი პაციენტი თავად ირჩევს.
ტელეფონი
0322 88 00 87
995 577 748 848
მისამართი
ქ. თბილისი, არჩილ ცაგარელის #3
0194
სამუშაო საათები
ორშაბათიდან-შაბათის ჩათვლით
10:00-დან 18:00 საათამდე